Maktabimiz faxri

Xolmamatova Iymona Turg‘unaliyevna

Xolmamatova Iymona Turg‘unaliyevna 2017-yil 24-yanvarda tug‘ilgan bo‘lib, hozirda Oltinsoy tumani 15-son bolalar musiqa va san’at maktabining xoreografiya yo‘nalishi 2-sinf o‘quvchisi hisoblanadi.

Iymona yosh bo‘lishiga qaramay, o‘zining iqtidori, sahnadagi jozibadorligi va mehnatsevarligi bilan tengdoshlari orasida ajralib turadi. U qisqa vaqt ichida bir qator nufuzli tanlovlarda munosib ishtirok etib, yuqori natijalarga erishib kelmoqda.

Jumladan:

• 2026-yilda o‘tkazilgan “Khiva Art Fest” xalqaro tanlovida xoreografiya yo‘nalishida 1-o‘rinni egalladi;
• Mazkur tanlovda “Eng jozibali raqs” nominatsiyasi g‘olibi bo‘ldi;
• 2026-yil 7-mart kuni o‘tkazilgan tanlovda 1-o‘rinni qo‘lga kiritdi;
• 2026-yil 24-mart kuni bo‘lib o‘tgan “Harq Gavhari” II-Xalqaro ko‘rik-tanlovida 1-o‘rinni egalladi;
• 2026-yilda Termiz shahrida o‘tkazilgan “Yangi O‘zbekiston iqtidorlari” xalqaro tanlovida ham 1-o‘rin sohibasi bo‘ldi.

Xolmamatova Iymona o‘zining intiluvchanligi, sahnadagi faolligi va san’atga bo‘lgan cheksiz qiziqishi bilan maktabimiz faxriga aylangan. Uning kelgusida yanada ulkan yutuqlarga erishishiga ishonamiz. 🌟