Hurmatli ota-onalar va kelajakda san’atkor bo‘lishni orzu qilayotgan aziz o‘quvchilar!
Vazirlar Mahkamasining 2026-yil 16-apreldagi 175-sonli qaroriga asosan, bolalar musiqa va san’at maktablariga qabul qilish tizimi hamda yo‘nalishlar bo‘yicha qabul yoshiga muhim o‘zgartirish va qo‘shimchalar kiritildi.
Yangi tartibga ko‘ra, maktabimizdagi ta’lim yo‘nalishlari, qabul yoshi va o‘qish muddatlari quyidagicha belgilandi:
🎹 1. 7 YILLIK O‘QISH MUDDATI (Qabul yoshi: 7 — 10 yosh)
Ushbu yo‘nalishlarga bolalar faqat 7 yoshdan 10 yoshgacha qabul qilinadi:
Fortepiano ijrochiligi
Torli cholg‘ular (Skripka, alt, violonchel, kontrabas)
Estrada cholg‘ulari (Faqat fortepiano va torli cholg‘ular uchun)
🎸 2. 5 YILLIK O‘QISH MUDDATI (Qabul yoshi: 7 — 12 yosh)
Ushbu yo‘nalishlarga bolalar 7 yoshdan 12 yoshgacha qabul qilinishi mumkin:
Xalq cholg‘ulari va An’anaviy cholg‘ular: Nay, qo‘shnay, chang, qonun, rubob, tanbur, dutor, g‘ijjak, doira, bayan, akkordeon, gitara, ud va boshqalar.
Damli va zarbli cholg‘ular: Fleyta, goboy, klarnet, saksofon, fagot, truba, trombon, gitara, bas gitara, urma-zarbli cholg‘ular.
Vokal san’ati: An’anaviy xonandalik, Akademik xonandalik, Estrada xonandaligi.
Xalq ijodiyoti: Baxshichilik, Folklor, Askiya san’ati.
Xoreografiya (Raqs): Klassik raqs, Xalq raqsi, Estrada raqsi.
Tasviriy va Amaliy san’at: Rangtasvir, Xattotlik va miniatura, Grafika, Haykaltaroshlik, Yog‘och va ganch o‘ymakorligi, Naqqoshlik, Kulolchilik, Misgarlik, Zargarlik, Zardo‘zlik, Kashtachilik, Qo‘g‘irchoq yasash.
Dizayn: Arxitektura, Liboslar, Kompyuter grafikasi va Floristika dizayni.
Aktyorlik san’ati: Teatr va kino aktyorligi, Qo‘g‘irchoq teatri aktyorligi.
✨ Yangi qarorning afzalligi nimada?
Endilikda yo‘nalishlarning xususiyatidan kelib chiqib, qabul yoshlari kengaytirildi va ota-onalar uchun farzandini o‘zi qiziqqan san’at turiga berishda yanada katta imkoniyatlar yaratildi.
🗓 2026/2027-o‘quv yili uchun qabul jarayonlari ana shu yangi qoidalarga asosan mutlaqo shaffof va adolatli tarzda tashkil etiladi.
Farzandingizda san’atga bo‘lgan iqtidor bormi? Uni professional darajada rivojlantirish vaqti keldi!
qabul 1-avgustdan
📍 Manzilimiz: Oltinsoy tumani, 15-sonli bolalar musiqa va san’at maktabi.