Surxondaryo viloyati madaniyat boshqarmasi tasarrufidagi bolalar musiqa va san’at maktablari o‘quvchilari o‘rtasida o‘tkazilayotgan “Voha iste’dodlari” viloyat ko‘rik-tanlovi yosh ijodkorlarni birlashtirishda davom etmoqda.

Joriy yilning 5-iyun kuni tanlov rejasiga muvofiq, viloyatdagi mavjud 20 ta BMSMlarni qamrab olgan 3 ta asosiy hududiy zonaning navbatdagi bellashuvi Sho‘rchi tumanidagi 7-sonli BMSMda yuqori ko‘tarinkilik bilan o‘tkazildi.
​Mazkur tanlovda Sariosiyo, Uzun, Denov, Oltinsoy, Qumqo‘rg‘on hamda mezbon Sho‘rchi tumanlari maktablarining yuqori sinf o‘quvchilari ishtirok etdilar. Yosh ijodkorlar o‘z yo‘nalishlari bo‘yicha bor mahoratlarini namoyish etishdi.
​ Hakamlar hay’ati a’zolari ijrolarning o‘ziga xosligi, sahna madaniyati va texnik mahoratiga alohida e’tibor qaratib, g‘oliblarni aniqlashdi.