Oltinsoy tumanidagi muhtasham “Yangi O‘zbekiston” madaniyat va istirohat bog‘i amfiteatrida 1-iyun — Xalqaro bolalarni himoya qilish kuni munosabati bilan bayram tadbiri bo‘lib o‘tdi.
Tadbir dasturidan joy olgan rang-barang konsert dasturi, ayniqsa, 15-sonli bolalar musiqa va san’at maktabining iste’dodli o‘quvchilari tomonidan ijro etilgan kuy-qo‘shiqlar va raqslar yig‘ilganlarga haqiqiy bayram kayfiyatini ulashdi.
Kun davomida yangragan sho‘x va quvnoq navolar bayramga tashrif buyurgan barcha bolajonlarga olam-olam quvonch va unutilmas taassurotlar hadya etdi.